Միջազգային հանրությունը 2015 թվականին զրկվել է ընդհանուր առմամբ մոտ 13.6 տրիլիոն դոլարից՝ բռնության ու հակամարտությունների պատճառով։ Այս մասին հայտարարել է ՄԱԿ-ի գլխավոր քարտուղար Պան Գի Մունը համաշխարհային կազմակերպության Խաղաղաշինության հիմնադրամի աջակցության համաժողովում ՝ փոխանցում է TASS գործակալությունը։
«Փորձագետների գնահատականներով՝ 2015 թվականին բռնությունն ու հակամարտություններն աշխարհին արժեցել են մոտ 13.6 տրիլիոն դոլար։ Դա ավելին է, քան մոլորակի յուրաքանչյուր բնակչի հաշվին 1800 դոլարը։ Միայն 2015 թվականին միջազգային հանրությունը, համաձայն տարբեր գնահատումների, 34 մլրդ դոլար է ծախել խաղաղարար գործողությունների ու մարդասիրական օգնության վրա»,- ասել է Պան Գի Մունը։
Նա կոչ է արել ավելի մեծ միջոցներ ներդնել հիմնադրամ։ «Այն օգնում է ամբողջ աշխարհում միլիոնավոր մարդկանց ՝ տրամադրելով ռեսուրսներ նախագծերի իրականացման համար, որոնցում այլոց համար ներդրում անելը չափազանց ռիսկային է»,- ընդգծել է գլխավոր քարտուղարը։
