Սխալ հաղորդագրության պատճառով ամերիկուհին կարող է դատապարտվել 30 տարվա ազատազրկման. ԶԼՄ-ներ

19-ամյա ամերիկուհի Շելբի Էյքսը շփոթել է հեռախոսահամարը և թմրանյութ գնելու առաջարկությամբ հաղորդագրությունը ուղարկել է ոստիկանության աշխատակցին, հայտնում է Fox59-ը:

Հեռախույզները կապվել են աղջկա հետ և պայմանվորվել գործարքի մասին: Էյքսը նրանց վաճառել է 700 դոլարի մեթամֆետամին և ցավազրկող միջոցներ, որոնք բաց են թողնվում միայն դեղատոմսով:

Ոստիկանության աշխատակիցները ձերբակալել են աղջկան, որին սպառնում է մինչև 30 տարի ազատազրկում: