Ամերիկյան The Wall Street Journal պարբերականի փոխանցմամբ՝ ԱՄՆ արդարադատության նախարարությունը Գերմանիայի Deutsche Bank խոշորագույն բանկին առաջարկել է վճարել 14 միլիարդ դոլար՝ ֆինանսիստների հանդեպ հետաքննությունը դադարեցնելու համար, որոնք գործողություններ են իրականացրել հիփոթեքային թղթերով, ինչն էլ հանգեցրել է 2008 թվականի համաշխարհային ֆինանսական ճգնաժամի։ Այդ մասին հայտնել են իրազեկ աղբյուրները։
Ընդգծվում է, որ արդարադատության նախարարության նշած գումարը նախնական է։ Deutsche Bank-ում հաստատել են առաջ քաշված պայմանները՝ նշելով, որ բանկին հնարավորություն է տրվել կազմելու պատասխան առաջարկ։
Բանակցություններն արդեն իսկ մեկնարկել են։ Deutsche Bank-ի իրավաբանները գործարքը գնահատում են 2-3 միլիարդ դոլար։
