Մոսկվան և Վաշինգտոնը կարող էին հասնել դիվանագիտական պայմանավորվածությունների, որոնք կնվազեցնեին նոր սառը պատերազմի հավանականությունը, սակայն ԱՄՆ-ը դեմ է Ռուսաստանի հետ ցանկացած համագործակցության, գրում է ամերիկացի քաղաքագետ Սթիվեն Քոենը The Nation-ի համար հոդվածում:
Քոենի կարծիքով` Ռուսաստանը և ԱՄՆ-ը հնարավորություն ունեն համագործակցելու: Որպես օրինակ քաղաքագետը բերում է Սիրիայի կարգավորման ավելի վաղ համաձայնեցված պլանը, որը հեռանկարում կարող է թույլ տալ Մոսկվային և Վաշինգտոնին միավորել ուժերը ահաբեկչության դեմ պայքարում:
«Արդյունքը կարող է դառնալ ռուս-ամերիկյան ռազմական դաշինքը, որն ի զորու կլինի վերջ դնել ոչ միայն Սիրիայի պատերազմին, այլ սառը պատերազմի վտանգավոր էսկալացիային»,- ասված է հոդվածում:
Սակայն Վաշինգտոնը կտրուկ դեմ է տրամադրված Մոսկվայի հետ համագործակցությանը: Այդ մասին բաց խոսում է մասնավորապես Պենտագոնի ղեկավար Էշթոն Քարտերը:
«Նրանց մարտավարությունը կայանում է նրանում, որ մրոտեն Պուտինին և նրան նկարագրեն որպես ԱՄՆ-ի համար անարժան գործընկեր բոլոր առումներով: Այդ մոտեցումը հիմնված է երկարաժամկետ հակառուսական քաղաքականության վրա և այն գաղափարի, որ Սիրիայի հարցում համագործակցությունը կնշանակի Ռուսաստանի ամբողջովին վերադարձ համաշխարհային ասպարեզ որպես գերտերություն»,- գրում է Քոենը:
