ՀԱՊԿ գլխավոր քարտուղար Նիկոլայ Բորդյուժան հայտարարել է, որ աննպատակահարմար է համարում Սիրիա ցամաքային միավորված խմբավորում ուղարկելը: Այս մասին հայտնում է RIA Nօvosti-ն:
«Այժմ հավաքական ուժերի որևէ խմբավորում կազմավորելու և ահաբեկչության դեմ պայքարի համար այն այնտեղ ուղարկելու մասին խոսելը պարզապես անիմաստ է: Կարծում եմ՝ դա բացարձակապես աննպատակահարմար է, և ընդհանրապես հարցը երբեք այդպես դրված չի եղել»,- ասել է նա «Ռոսիա Սեգոդնյա» մեդիախմբում մամլո ասուլիսի ժամանակ:
«Կարծում եմ՝ աննպատակահարմար կլիներ այնտեղ ուղարկել նաև Ռուսաստանի զորախմբեր: Չեմ կարծում, և դա իմ անձնական դիրքորոշումն է, որ մենք պետք է միջամտենք ցամաքային գործողությանը: Դրա համար կան Սիրիայի զինված ուժեր: Մենք կարող ենք նրանց օգնություն ցուցաբերել, ինչն էլ անում ենք, ես նկատի ունեմ Ռուսաստանի Դաշնությանը: Բայց ոչ՝ ավելին»,- հավելել է նա: