Կառավարության նիստից հետո լրագրողների հետ զրույցում ՄԻՊ Արման Թաթոյանը լրագրողների հետ զրույցում անդրադառնալով «Նոր Հայաստան» հանրային փրկության ճակատի անդամ Անդրիաս Ղուկասյանի առողջական վիճակին՝ նշեց. «Արդեն ինչքան ժամանակ է ամենօրյա կապի մեջ ենք բժիշկների հետ: Հետազոտում ենք բոլոր փաստաթղթերը: Ես այդ հարցով զբաղվեցի, և ապահովվեց Անդրիաս Ղուկասյանի նախընտրած բժշկի՝ սոնոգրաֆիստի, և արյան նմուշներ վերցնելու համար՝ լաբորանտի մուտքը: Օգոստոսի 29-ին հետազոտության արդյունքների մի մասը կային՝ նորմայի սահմաններում է:
Ինձ համար ևս կարևոր է, որ Ա. Ղուկասյանի առողջական վիճակի հետ կապված խնդիրներ չառաջանան: Հացադուլի ընթացքում ամեն ինչ արվելու է, որ պարտադիր ապահովվի բժշկական մոտեցումը»:
Արման Թաթոյանը տեղեկացրեց նաև, որ ՄԻՊ գրասենյակի աշխատակիցներն այսօր այցելել են «Դատապարտյալների հիվանդանոց». ««Սասնա ծռերի» անդամ Հովհաննես Հարությունյանի փաստաբանը մտահոգություն է հայտնել նրա առողջական վիճակի մասին: Հենց հիմա մեր աշխատակիցները «Դատապարտյալների հիվանդանոց»-ում են: Այցելությունն ինքնանպատակ չէ. նպատակն է հասկանալ իրավիճակը, իրավունքների ապահովման վիճակը կոնկրետ փուլում, այնտեղ է նաև մեր՝ «Խոշտանգումների կանխարգելման ստորաբաժանման» բժիշկը, դա հնարավորություն է տալիս անմիջականորեն հասկանալ իրավիճակը»:
Մանրամասները՝ տեսանյութում:
