Կրեմլը պատժամիջոցների հռետորաբանությունը չի համարում կառուցողական և օգտակար խնդիրների լուծմանը: RIA Novosti-ի հաղորդմամբ՝ այս մասին հայտարարել է ՌԴ նախագահի մամլո քարտուղար Դմիտրի Պեսկովը:
«Մենք ընդհանրապես չենք խոսում պատժամիջոցների մասին, չենք խոսում ինչ-որ բան մեղմացնելու մասին: Մենք ընդհանրապես այդ հռետորաբանությունը չենք համարում կառուցողական, հեռանկարային և ինչ-որ խնդիրների լուծմանը նպաստող»,- ասել է Պեսկովը:
Նա հավելել է, որ Ռուսաստանը կշարունակի պատժամիջոցների հետ կապված հարցերում հետամուտ լինել փոխադարձության սկզբունքին:
«Պետք է վերլուծել՝ ինչ է ընդլայնվել, ինչ ծավալով: Բայց ավանդաբար այդ սկզբունքում կենտրոնականը փոխադարձության սկզբունքն է, որին մենք կհետևենք»,- հայտարարել է Պեսկովը՝ մեկնաբանելով ռուսական ընկերությունների և ֆիզիկական անձանց նկատմամբ ԱՄՆ պատժամիջոցների ընդլայնումը:
Ավելի վաղ ԱՄՆ ֆինանսների նախարարության օտարերկրյա ակտիվների վերահսկողության հարցերով բաժանմունքը որոշում է ընդունել պատժամիջոցներ սահմանել ռուսական «Գազպրոմի», «Մոսկվայի բանկի» մի շարք դուստր կառույցների և ռուսական այլ ընկերությունների ու ֆիզիկական անձանց նկատմամբ:
