Հայտնի դարձավ, որ ՀՀ կառավարությանը պատկանող Երևանի ՋԷԿ-ը 52,3 միլիոն դոլար պարտք ունի ռուսական «Գազպրոմին»: «Առաջին լրատվականի հետ զրույցում տնտեսագետ Հայկ Գևորգյանը նշեց, որ «Գազպրոմ»- ին պարտքը պետք է վերադարձնի Երևանի ՋԷԿ-ը, բայց իրականում Երևանի ՋԷԿ-ը առնչություն չունի «Գազպրոմ Արմենիա»-ի հետ, որովհետև օգտագործում է իրանական գազը: Նրա խոսքով՝ Երևանի ՋԷԿ-ի վրա գրվել են «Նաիրիտ» գործարանի և Վանաձորի «Քիմպրոմ»-ի պարտքերը»:
Տնտեսագետի դիտարկմամբ՝ պետք է նայել, թե արմատը որտեղ է. «Այդ գումարը ոչ մի տեղ չի անհետացել, տարիներ շարունակ «Նաիրիտ»-ը թալանում, «կթում» էին, այդ գումարներն օվշորներում են: Քրեական հանցագործություն է կատարվել: Կառավարությունը, եթե մտադիր է այդ պարտքը փակել, պետք է շատ մեծ քրեական գործ սկսի, գումարները տանողներին քրեական պատասխանատվության ենթարկի և վերադարձնի գումարները: Եթե կառավարությունը չի ուզում դա անել, պարտքը փակելու բեռը դնում է մեր ուսերին. արդեն հուլիս, օգոստոս ամիսներին կառավարությունը փակել է 24 միլիոն դոլար, մեր հանրային բյուջեի գումարներն են դրանք»:
Անդրադառնալով հարցին՝ հնարավո՞ր է, որ պարտքի դիմաց Երևան ՋԷԿ-ը վաճառվի «Գազպրոմ»-ին, Հայկ Գևորգյանը նշեց, որ եթե մեր գույքը՝ Երևան ՋԷԿ-ը պարտքի դիմաց տան «Գազպրոմ Արմենիային», դա ևս կստացվի, որ մեր հաշվին են պարտքերը փակում:
Մանրամասները՝ տեսանյութում:
