Եվրոպան կկատարի իր մարդասիրական պարտականությունները, սակայն այն փախստականները, որոնք ԵՄ-ում մնալու իրավունք չունեն, պետք է վերադառնան տուն, հայտարարել է Գերմանիայի կանցլեր Անգելա Մերկելը՝ ելույթ ունենալով Իտալիայում` երկրի վարչապետ Մատեո Ռենցիի հետ համատեղ մամլո ասուլիսի ժամանակ: Ելույթը հեռարձակվել է Phoenix հեռուստաալիքի եթերում:
«Փախստականներին վերադարձնելու Եվրահանձնաժողովի աշխատանքում մենք ունենք ընդհանուր հետաքրքրություններ, և մենք դա կմտցնենք եվրոպական օրակարգ: Որովհետև պետք է պարզ լինի, որ մենք հավատարիմ կմնանք մեր մարդասիրական պարտականություններին, սակայն մենք պետք է ասենք, որ նրանք, որոնք մնալու իրավունք չունեն, պետք է վերադառնան տուն: Այլ կերպ մենք չենք կարող անել այն, ինչ ցանկանում ենք անել պատերազմից փախչածների համար»,- ասել է Մերկելը:
