Կալիֆոռնիա նահանգի իշխանությունները փորձում են հասկանալ Ֆլորիդայի 61-ամյա բնակչի՝ Մայքլ Բոտվրայթի շուրջ ստեղծված իրավիճակը, ով այս փետրվարին՝ հիշողության կորստից հետո սկսեց իրեն անվանել Յոհան Յեկ ու մոռացավ անգլերեն խոսելը:
Ձմռանը Մայքլ Բոտվրայթը անգիտակից վիճակում հայտնաբերվել է Փալմ-Սփրինգս քաղաքի հյուրանոցում: Տղամարդուն տեղափոխել էին տեղի բժշկական կենտրոն, որտեղ նա եկել է գիտակցության, սակայն հենց այդ պահին էլ պարզել է, որ ոչինչ չի հիշում իր կյանքից, ու իրեն անվանում է Յոհան Յեկ ու կարողանում է խոսել միայն շվեդերեն:
Բժիշկները տղամարդու մոտ գրանցել էին հիշողության կորուստ, որը հարուցվել էր ֆիզիկական կամ էմոցիոնալ վնասվածքի հետևանքով՝ գրում է Telegraph-ը:
Տղամարդը ոչինչ չի հիշում իր անցյալից: Իրավիճակը բարդանում է նրանով, որ Բոտվրայթը չունի ապահովագրություն ու միջոցներ՝ վճարելու իր բուժման համար, ինչը նշանակում է, որ շուտով պետք է լքի բժշկական հաստատությունը:
Ներկայում Կալիֆոռնիայի բնակիչները փորձում են բնակության տեղ գտնել նրա համար, որպեսզի վերջինս փողոցում չհայտնվի:
