Ստամբուլի անվտանգության վարչության ահաբեկչության դեմ պայքարի բաժնի աշխատակիցներն այսօր իրականացրել են ցույցերի մասնակիցների ձերբակալման գործողություն: Ինչպես հաղորդում է ITAR-TASS-ը՝ վկայակոչելով տեղի ԶԼՄ-ները, ստուգումներ են անցկացվել բողոքի ցույցերի 100 մասնակիցների տներում:
Ներկայում հայտնի է 30 ձերբակալվածների մասին: Ոստիկանությունը, բացի մասնավոր բնակարաններից, մտել է նաև ուսանողական հանրակացարանների տարածք: Գործողությունը շարունակվում է, ձերբակալվածների թիվը կարող է շատանալ:
Նրանք կասկածվում են անկարգությունների կազմակերպման և իշխանությունների ներկայացուցիչների վրա հարձակման մեջ:
Նման գործողությունների հետևանքով ընդհանուր առմամբ ձերբակալվել է ավելի քան 150 մարդ: Նրանց մեծ մասն ազատ է արձակվել ցուցմունք տալուց հետո, մի քանի տասնյակը ձերբակալվել են դատարանի որոշման համաձայն:
