«Երբ Հայաստանում թեժ խոսակցություններ էին այն մասին, որ իբրև թե Հայաստանի և Արցախի իշխանությունները նախաձեռնել են տարածքները վերադարձնել, այդ օրերին Բակո Սահակյանի հետ ազատագրված տարածքներում բնակարաններ էինք բաժանում Սփյուռքի եկած և ԼՂՀ-ի կենտրոնական շրջաններից այնտեղ տեղափոխված նորաբնակներին»,- այս մասին «Առաջին լրատվական»- ի հետ զրույցում ասաց ՀՀ-ում ԼՂՀ ներկայացուցչական խորհրդական Գառնիկ Իսագուլյանը:
Անդրադառնալով դիտարկմանը, որ եթե անկախության 25-ամյակի կապակցությամբ համաներում լինի, ԼՂՀ ԱԺ պատգամավոր Հայկ Խանումյանին ծեծի ենթարկողները ևս ազատ կարձակվեն, Գառնիկ Իսագուլյանը հորդորեց մեծահոգի լինել. «Եկեք չկենտրոնանանք կոնկրետ դեպքերի վրա, այդ մարդիկ պետք է ասեն. «Եթե այդ համաներումից պետք է օգտվեն այն մարդիկ, ովքեր ինձ առևանգել ու ծեծել են, բայց այդ համաներման շնորհիվ ազատ են արձակվելու ևս 200-300 հոգի, ապա ես համաձայն եմ, որ դա տեղի ունենա: Մեծահոգությունը ուժեղ մարդու հատկանիշ է»:
Գառնիկ Իսագուլյանն անդրադարձավ նաև Արցախում կայանալիք սահմանադրական ընտրություններին:
Մանրամասները՝ տեսանյութում: