Ռուսաստանի հայտարարությունը Հալեպում ԱՄՆ-ի հետ համագործակցության մասին հիշեցնում է պատմության մեկ այլ դրվագ, երբ երկու երկրները համագործակցում էին հանուն ընդհանուր նպատակի:
Չնայած երկու երկրների միջև հարատև լարվածությանը՝ պատմության մեջ եղել են ժամանակներ, երբ նրանք համագործակցել են հանուն ընդհանուր նպատակերի: Դրանցից ամենահետաքրքիրը Երկրորդ համաշխարհային պատերազմն էր, երբ Ստալինը ամեն հնարավոր բան արեց, որպեսզի Կարմիր բանակի զինվորները չիմանան, որ բեռնատարները, որոնցով նրանք երթևեկում են, և մթերքը, որով սնվում են, ստանում են Հյուսիսային Ամերիկայից:
Երկրորդ համաշխարհային պատերազմի սկզբից ի վեր ԱՄՆ-ը և Ռուսաստանը համագործակցել են: Երբ ֆաշիստական Գերմանիան գրավել էր Եվրոպայի գրեթե կեսը, իսկ դաշնակիցները, այդ թվում և ԽՍՀՄ-ը, գերմանացիների դեմ պատերազմում էին հիմնականում հրացաններով և տանկերով: ԽՍՀՄ-ի դեպքում այդ պատերազմը քայքայում էր երկրի տնտեսությունը:
Ձգտելով նվազեցնել այդ քայաքայիչ ազդեցությունը՝ ԱՄՆ-ը, որ դեռևս պատերազմի մեջ չէր մտել, դաշնակիցներին օգնելու վերաբերյալ որոշում ընդունեց՝ լենդ-լիզի՝ վարձակալության մասին օրենքի համաձայն: Այդ օրենքը ստորագրեց Ռուզվելտը՝ ընդգծելով, որ իր երկիրը նման է վարձակալի, որը պատրաստ է իր հրդեհաշեջ փողրակը տրամադրելու հարևանին, ում տանը հրդեհ է բռնկվել, չնայած այն հանգամանքին, որ միշտ չեն հաշտ եղել հարևանի հետ: Դեկտեմբերի 29-ին ԱՄՆ-ը հստակ հասկացրեց դաշնակից պետություններին, որ պետք է դառնան «ժողովրդավարության զինանոց»:
1940թ. մարտի 11-ին ԱՄՆ-ը դաշնակիցներին ռազմական օգնություն տամադրելու վերաբերյալ որոշում ընդունեց: Սկզբում տրամադրվող օգնության համար հատկացվեց 7 մլրդ դոլար, պատերազմի ավարտին այդ գումարը աճեց՝ կազմելով 50 մլրդ դոլար: Օգնություն ստացող երկրների ցանկում ընդգրկվել էր նաև ԽՍՀՄ-ը՝ կապիտալիզմի երդվյալ թշնամին: Այդպիսով ԽՍՀՄ-ի վրա ֆաշիստական Գերմանիայի հարձակումից երեք ամիս անց ԱՄՆ-ը սկսեց մասսայական օգնություն տրամադրել ԽՍՀՄ-ին: Մասնավորապես, խորհրդային երկիրը ստացավ պահածոյացված մսի այնպիսի քանակ, որ կարողացավ կերակրել մի ողջ բանակ, ստացավ նաև 13 մլն զույգ «վալենկաներ» և, որ ամենակարևորն է, բեռնատար մեքենաներ, որոնց օգնությամբ Կարմիր բանակի զինվորներին հաջողվում էր արագ տեղից տեղ տեղափոխվել:
Ստալինը հաճույքով համաձայնեց ընդունել առաջարկված օգնությունը, սակայն գերադասեց չբարձրաձայնել ամեն տեղ նրա մասին, որ կապիտալիստները օգնում են իրեն հաղթել պատերազմում: Նա դիմեց մի շարք խորամանկությունների, որպեսզի խորհրդային զինվորները կարծեն, որ այդ բեռնատար մեքենաները հայրենական արտադրության են: Օրինակ՝ հաջողվել էր Կարմիր բանակին հավատացնել, որ Willys Overland անվանումը տրվել է ամենագնացներին նրան համար, որպեսզի թաքցվի իբր Սիբիրում գտնվող այն գործարանի վայրը, որտեղ դրանք արտադրվում են:
