Google ընկերությունը մասնակցում է համակարգի մշակմանը, որը ծառայողական շներին թույլ կտա կապվել իրենց ուղեկցող մարդուն և նրան հաղորդագրություններ փոխանցել: Այս մասին հայտնում է MIT Technology Review-ն:
FIDO անվանումով համակարգը (Facilitating Interactions for Dogs with Occupations, «Ծառայողական շների հետ փոխգործակցության հեշտացում ) մշակվում է Ջորջիայի տեխնոլոգիական ինստիտուտի կողմից: Google-ը մշակողներին դրամական պարգև է շնորհել, ինչպես նաև նախագծում մասնակցելու նպատակով ուղարկել իր աշխատող Թեդ Ստարներին, ով նախկինում աշխատել է Glass ակնոցների վրա:
FIDO-ն հիմնված է Arduino սխեմայի վրա և ունի հաղորդագրություններ փոխանակելու միջոց և ցուցիչ, որն ամրացվում է շան զրահաբաճկոնին կամ վզկապին:
Շներին կսովորեցնեն հատուկ պայմաններում ակտիվացնել ցուցիչը: Սենսորի ակտիվացման համար շները պետք է կծեն ամրացման հատվածը կամ ատամներով ձգեն պարանը: Դեռևս հայտնի չէ, թե որ տարբերակը կիրառություն կգտնի համակարգի վերջնական տարբերակում:
Մշակողներն արդեն իրականացրել են համակարգի առաջին փորձարկումները: 3 շները փորձել են 4 տեսակի ցուցիչներ: Կենդանիներն արագ սովորել են ինչպես ակտիվացնել սենսորը: Այն հավելյալ մշակման կարիք ունի: Սարքը պետք է պաշտպանել վնասվելուց:
Մշակողները FIDO-ի մասին զեկույց կներկայացնեն Կրվող համակարգիչների միջազգային սիմպոզիումի ժամանակ (ISWC 2013), որը կանցկացվի Ցյուրիխում՝ 2013-ի սեպտեմբերի 7-13-ը:
