Կարմիր ճակատի տնօրեն Ալեքսան Հովհաննիսյանն «Առաջին լրատվական»-ի հետ զրույցում անդրադառնալով հարցին՝ արդարացվա՞ծ են «Բազե»-ի ծախսերը, չե՞ք կարծում, որ սա իրեն սպառած միջոցառում է, և այս գումարները կարելի էր ուղղել սահմանամերձ գյուղերին և այդ դեպքում ծախսերը շատ ավելի արդարացված կլինեին, պատասխանեց, որ իր կարծիքով՝ հոգևոր սնունդը երիտասարդությանը պետք է, իսկ «Բազե»- ն երիտասարդությանը տալիս է հոգևոր սնունդ. «Իհարկե, սահմանամերձ գյուղերին գումարներ տրամադրելն ինչ-որ տեղ կարող է լինել ավելի նպատակահարմար, բայց այս ուժը, այս ոգին, որ մտնում է մարդկանց մեջ, կարող է մեծ դեր խաղալ ապագայում երիտասարդների համար, և որ ամեակարևորն է՝ համախմբում է: Ընկերասիրությունը, որ ձեռք ենք բերում այստեղ, հետագայում կարող է մեծ ավանդ լինել երկրի ապագայի համար»:
ՀՀԿ-ական Ալեքսան Հովհաննիսյանը հավաստիացրեց, որ միայն ՀՀԿ-ականներ չեն մասնակցում՝ կուսակցական մոտիվներով չեն առաջնորդվում «Բազե»-ում:
Ալեքսան Հովհաննիսյանը նշեց,որ չի տեսնում երկրում այնպիսի խնդիրներ, ինչպիսիք են արտագաղթը, կոռուպցիան. «Տեսնում եմ պատերազմող, ապագա ունեցող երկիր, մնացած ատրիբուտները չեմ տեսնում»:
Մանրամասները՝ տեսանյութում:
