Ֆրանսիայի նախագահ Ֆրանսուա Օլանդը կիրակի օրը հասարակությանը ներկայացրել է երկրի գլխավոր փոստային նամականիշը՝ Ֆրանսիայի Հանրապետության թարմացված խորհրդանիշով: Դա Մարիանան է, որի նախատիպերից մեկը եղել է Femen շարժման առաջնորդ Ինա Շևչենկոն:Այս մասին հայտնում էRIA Novosti-ն:
Մարիանայի նոր պատկերով նամականիշը ստեղծվել է երկու երիտասարդ լուսանկարիչների՝ 33-ամյա Օլիվիե Սիապայի և 30-ամյա Դավիդ Քավենի կողմից: Նախագահը հաղթողին ընտրել է ժյուրիի կողմից նախապես ընտրված 15 մասնակիցների շարքից:
Միջոցառումից հետո Twitter-ի միկրոբլոգում Սիապան գրել է, որ Մարիանան տարբեր կանանց կերպարների միախառնուրդ է, հատկապես՝ Ինա Շևչենկոյի:
Սիապան հայտնի է հոմոսեքսուալիստների իրավունքների համար իր ակտիվ պայքարով: Հունիսին նրա ֆոտոցուցահանդեսը երկու անգամ վանդալիստների կողմից հարձակման է ենթարկվել:
