Worldcarfans հրատարակչության ավտոլրտեսները հրապարակել են Mercedes-ի լիմուզինային S-Class գծի Mercedes-Benz S-Class Pullman-ը: Այն ավելի երկար և շքեղ կլինի, քան ներկայիս Pullman-ն է, քանի որ նորույթը փոխարինելու կգա Maybach լյուքսային մակնիշին: S-Guard Pullman-ի զրահապատ տարբերակով երթևեկում է Վլադիմիր Պուտինը: Եթե նրա հավատարմությունը գերմանական մակնիշին պահպանվում է, ապա լուսանկարում Ռուսաստանի նախագահի ապագա լիմուզինն է: Քաղաքացիական, ոչ զրահապատ տարբերակը վաճառքի կհանվի 2014 թ. մայիսին:
S-Class-ի նոր ընտանիքը ներկայացվել է այս տարվա մայիսին, սակայն դեռ երկու տարբերակներով՝ սովորական 5116 մմ և երկար՝ 5246մմ բազայով: Pullman-ն ավելի շքեղ և մոնումենտալ կլինի: Worldcarfans-ը ենթադրում է, որ այն, ստանդարտ մոդելների հետ համեմատած, 15-30 մմ ավելի երկար կլինի:
Ավելացած տարածքը բաժին կհասնի հետևի ուղևորներին։ Լրտեսական լուսանկարում լավ երևում է, որ նախատիպը հետևի մեծ դռներ ունի: Ստանդարտ տարբերակի անիվների բազան 3035 մմ է, իսկ Pullman-ինը կարող է հասնել 3515 մմ-ի: Ավտոմեքենան ամբողությամբ մոտ վեց մետր երկարություն կունենա:
S-Class Pullman-ը հագեցած կլինի twinturbo V12 շարժիչով, որը կարող է 600 ձիաուժ զարգացնել: Ավելի ուշ, ինչպես սպասվում է, կառաջարկվի նաև հիբրիդային տարբերակը:
