Լեհաստանի նախագահ Բրոնիսլավ Կոմորովսկիի վրա փորձել են ձվեր նետել Ուկրաինայի Լուցկ քաղաքում, որտեղ նախագահը մասնակցել է Երկրորդ աշխարհամարտի տարիներին ուկրաինացի ազգայնականների կողմից Վոլինի սպանդի 70 ամյակին նվիրված միջոցառումներին, հաղորդում է ITAR-TASS-ը:
Լեհ նախագահին պաշտպանել է անվտանգության կառավարական ծառայության աշխատակիցներից մեկը: Պատահարի մեղավորն արդեն ձերբակալվել է:
Միջադեպը տեղի է ունեցել այն բանից հետո, երբ Կոմորովսկին լեհերին և ուկրաինացիներին փոխադարձ ներման և համերաշխության կոչ է արել` հույս հայտնելով, որ Վոլինի աղետի զոհերի հիշատակն ըստ արժանվույն կհարգվի:
«Այս հանցագործություններն արդարացում չունեն: Եղբայրասպան պայքարը միշտ չարություն է: Ազատության և ինքնիշխանության ձգտումը չի արդարացնում ո՛չ էթնիկ զտումները, ո՛չ զանգվածային սպանությունները»,- ասել նա:
Ուկրաինացի ազգայնականների կողմից Վոլինի լեհ բնակչության ոչնչացման ակցիան սկսվել է 1943 թ. փետրվարից: Հուլիսի 11-ին ուկրաինացիները հարձակվել են շուրջ 100 լեհական բնակավայրերի վրա: Էթնիկ զտումների զոհ է դարձել մոտ 100 հազար մարդ:
