Չնայած որ Լինդսի Լոհանը նմանվելու լավագույն օրինակը չէ, սակայն իրադարձություններով լեցուն նրա կյանքը գրավել ու շարունակում է հետաքրքրել հանրությանը: Իսկ հիմա ԼիԼոյի կյանքին հնարավոր է հետևել առցանց ռեժիմով: Աստղը ռեալիթի շոու է նախապատրաստում Oprah Winfrey Network հեռուստաալիքի եթերում:
Օփրա Ուինֆրին արդեն լուծել է բոլոր հարցերը Լինդսիի հետ, և նրանք պայմանավորվել են, որ ԼիԼոն կսկսի աշխատել շոուի վրա հիվանդանոցից դուրս գալուց անմիջապես հետո: Հաղորդավարուհին համոզված է, որ այդ նախագիծը կօգնի Լինդսիին ազատվել ալկոհոլային կախվածությունից և դրական կանդրադառնա դերասանուհու կարիերայի վրա:
Ի դեպ, դատարանի վճռով, Լինդսին պետք է հիվանդանոցում մնա մինչև հուլիսի 31-ը, բայց բժիշկները խորհուրդ են տալիս աստղին իրենց հսկողության տակ մնալ ևս 30 օր:
