Վահան Տանկովյանը երևի հիշել է, որ ապրիլի 7-ը ինչ-որ շատ հաճելի տոն է, բայց երևի մոռացել է, որ դա կանանց է վերաբերում: Մտածել է` տոնը տոն է ու գնացել զվարճանալու:
Որտեղից-որտեղ գտել է 29- ամյա Արմինե Մարգարյանին ու տեղավորվել Շենգավիթ համայնքի «Գոռ և Էդիկ» հյուրանոցային համալիրում: Էս Արմինեն իր մի քանի ծառայություններով հո չի զվարճացրել Տանկովյանին, հո չի զվարճացրել… Երևի` աջից, ձախից, վերևից, ներքևից…
Արդեն գիշերվա ժամը 03.10-ին, երբ Վահանը լավ զվարճացած է եղել Արմինեի «հրաշագործություններից», կամ երևի ապրիլյոթյան ծառայության ժամանակն է լրացած եղել, Արմինեն զգացել է, որ իր քրտնաջան աշխատանքը «ջուրն է լցվում». Վահան Տանկովյանը չի ուզում իր ծառայությունների համար վճարի: Այդ ժամանակ «միգալկեն վրեն խփած» օգնության է հասել 51-ամյա Նելի Գալստյանը և «մամա-ռոզայի» հոգատարությամբ Վահանից պահանջել վճարել յուրաքանչյուր առանձին ծառայության համար` մինչև վերջին լուման: Դե քանի որ Վահանի ազգանունն էլ Տանկովյան է եղել, հանգիստ «դուխը տեղը» չի տվել փողը կամ համարել է, որ տոն օրով պետք է նվիրվել և ոչ թե ծախվել:
Այդտեղ արդեն Արմինեն ու Նելին կատաղել են և գործի դրել իրենց «հարուստ» բառապաշարը` ձայնի ողջ հզորությամբ: Սկզբում` հյուրանոցի ներսում են փողը պահանջել ու ամեն «չէ»-ից հետո սեռական բնույթի մի հայհոյանք տվել, իսկ հետո տեղափոխվել են օբյեկտի բակ ու շարունակել: և այդպես տասը րոպե…
Նրանց հանգստացնելու համար միջամտել են նաև հյուրանոցի աշխատակիցները, անհագստացել են մյուս հաճախորդները, բայց նրանք էլ Տանկովյանի պես ընկել են հայհոյանքի տարափի տակ:
Քրեական գործի նյութերից պարզ է դառնում, որ Արմինեն ու Նելին ապրիլի 7-ի «ազիզ օրով» ոչ միայն «քցվել են», այլ նաև «նվեր ստացել» քրեական օրենսգրքի մի հոդված ու դարձել մեղադրյալ: Նրանց մեղադրանք է առաջադրվել խուլիգանության համար: Միակ մխիթարանքը եղել է ոստիկանության ընտրած խափանման միջոցը` ստորագրությամբ բաց թողնելու որոշումը:
Զույգը հիմա դատարանի կանչով, աշխատանքային ժամերին գալիս է դատարան, իսկ երեկոյան` ընդմիջումներին գնում` ծառայություններ մատուցելու, որ նշանակվելիք տուգանքները փակի…
