Սոցիալական ցանցերում առավել մեծ ժողովրդականություն վայելող բրենդը 2016 թվականի առաջին կիսամյակում դարձել է Nike ապրանքանիշը, որի ներքո վաճառվում է մարզահագուստ և հանդերձանք: Այս մասին են վկայում FashionUnited պորտալի կողմից հրապարակված վարկանիշի տվյալները: Ցուցակը կազմելիս հաշվի է առնվել ընկերությունների բաժանորդների թիվը սոցցանցերում (Instagram, Facebook, Twitter և Pinterest), ինչպես նաև հիշատակումների թվաքանակը:
Վեց ամսվա ընթացքում Instagram-ում Nike-ի բաժանորդների թիվն ավելացել է գրեթե կրկնակի՝ մինչև 79 միլիոն: Ժողովրդականության ցուցանիշով երկրորդ տեղն զբաղեցրել է ևս մեկ մարզական բրենդ՝ adidas-ը (35,2 մլն), առաջատարների եռյակը եզրափակում է Victoria’s Secret-ը (14,4 մլն)։
Կես տարվա ընթացքում իր դիրքերը զիջել է իսպանական Zara բրենդը, որը վարկանիշում 2-րդից իջել է 10-րդ տեղը: Ամերիկյան Converse-ը, որը վեցերորդ տեղն էր զբաղեցնում, դուրս Է մղվել տասնյակից:
Միևնույն ժամանակ ժողովրդականությունն ընդլայնել են լյուքս դասի բրենդները. չորրորդ հորիզոնականում Chanel-ն է, հինգերորդում՝ Dior-ը, վեցերորդում՝ Gucci-ն, յոթերորդում՝ Louis Vuitton-ը, ութերորդում՝ Burberry-ն, իսկ տասներորդում՝ Prada-ն:
