Լոնդոնի «Արսենալ»-ի գլխավոր մարզիչ Արսեն Վենգերը կարծում է, որ անգլիական ֆուտբոլում շրջանառվող խոշոր գումարները կարող են չար կատակ խաղալ ակումբների համար։
«Անգլիական ակումբները կարող են շնչահեղձ անել իրենք իրենց։ Ինչու՞․ որովհետև նրանք ֆուտբոլիստներ են ձեռք բերում աստղաբաշխական գներով ու նրանց հսկայական գումարներ վճարում։
Եթե ֆուտբոլիստները չկարողանան դրսևորել իրենց, ապա ինչպե՞ս են վաճառելու։ Անգամ եթե հաջողվի վաճառել ինչ-որ կերպ, պետք է վճարեն աշխատավարձի մի մասը։ Անգլիական ակումբների ֆինանսական առավելութունն այս պատճառով աճում է։
Անգլիական ակումբների հայտացուցակում լինելու են խաղացողներ, որոնք հանդես են գալիս այլ ակումբներում, և այդ ակումբները հնարավորություն չունեն այդքան գումար վճարել։
Ինչ վերաբերում է «Արսենալ»-ին, ապա մենք տրանսֆերներ իրականացնելու ենք, բայց դա անելու ենք խելքով»,- Վենգերի խոսքերը մեջբերում է Express-ը։
