Չինական Տյանցզինը կարող է դառնալ երկրորդ ազատ առևտրով քաղաքը Շանհայից հետո, գրում է The China Daily-ն:
Համապատասխան հայտով շրջանի իշխանություններն արդեն դիմել են Չինաստանի կենտրոնական կառավարությանը:
Ինչպես հիշեցնում է թերթը, Տյանցզինը երկրի հյուսիսում 14 մլն բնակչությամբ նավահանգստային քաղաք է:
Ազատ առևտրի ենթադրյալ գոտու ընդհանուր մակերեսը կազմում է մոտ 40 քառակուսի կիլոմետր:
Շինարարությունը կտևի 5 տարի ու կարժենա 60 մլրդ յուան (շուրջ 9,8 մլրդ դոլար), ասվում է հոդվածում:
Նման հավակնություններով է հանդես եկել նաև Սյամեն քաղաքը։ Այս մասին հայտնում է հոնկոնգյան The Standard պարբերականը: Պարբերականը նշում է, որ շնորհիվ այդ նախագծի՝ նավահանգստային քաղաքը կվերածվի միջազգային կենտրոնի:
