Սիրիայի նախագահ Բաշար Ալ-Ասադը երկրում իշխող Բաաս կուսակցության ղեկավարության փոփոխությունը մեկնաբանել է քաղաքական գործիչների սխալով, որոնք հեռացվել են կառավարումից կուսակցական կառույցների կողմից, հաղորդում է Agence France-Presse-ը:
ԶԼՄ-ների տեղեկատվության համաձայն՝ Սիրիայում 1963թ. մարտից իշխող կուսակցության ղեկավարությանը փոխելու մասին որոշում է ընդունվել առավոտյան կայացած կենտրոնական կոմիտեի նիստին: Ղեկավարությունից հեռացվել է մասնավորապես երկրի փոխնախագահ Ֆարուկ Շարաան:
Նոր ցուցակում ներառված է 16 առաջնորդ, ընդ որում՝ նախկին ղեկավարներից նշված է միայն նախագահ Բաշար Ալ-Ասադը: Ղեկավարների թվին են պատկանում երկրի վարչապետ Վաիլ Ալ-Հալքին և խորհրդարանի խոսնակ Ջիհադ Ալ-Լահամը:
«Երբ առաջնորդը չի ուղղում մի շարք սխալներ, նա պետք է պատասխան տա դրա համար: Դրանում է կայանում կենտրոնական կոմիտեի դերը, որը պետք է պարբերաբար պատասխանատվության ենթարկի առաջնորդներին»,- ասել է Ալ-Ասադը:
Նա նաև քննադատության է ենթարկել սիրիական ազգային խորհրդի գործունեությունը:
«Նրանք օգտագործում են կրոնի առավելությունները՝ դրա տակ թաքնվելով ինչպես դիմակի… և կարծում են, որ եթե դուք համաձայն չեք իրենց հետ քաղաքական դրդապատճառներից ելնելով, ապա նշանակում է, որ դուք աստծու դեմ եք»,- ասել է Ալ-Ասադը:
Դրա հետ մեկտեղ նախագահը հայտարարել է, որ սիրիական վարչակարգին աջակցող «Հըզբոլլահ» լիբանանյան շիական շարժումը մարդկանց դատում է ոչ թե ըստ կրոնի, այլ հայրենասիրությամբ և քաղաքականությամբ:
