Ամերիկացի զինվորականները 34 մլն դոլար են ծախսել Աֆղանստանում իրենց նոր շտաբ-գրասենյակի կառուցման վրա, սակայն չէին նախատեսել, որ այն ոչ ոք չի օգտագործի: 6 հազար քմ տարածության վրա երկհարկանի շինության կառուցումն ավարտվեց այս տարի: Այս մասին հաղորդում է Washington Post-ը:
Ամերիկյան զորամիավորման շտաբ-գրասենյակը զինված է ժամանակակից սարքավորումներով, ընդարձակ գրասենյակներով և օդափոխման համակարգով: Աֆղանստանում վերակառուցման հարցերով գլխավոր տեսուչ Ջո Սոպկոն այն անվանել է «ամենալավ կառուցված շինությունը, որն ինքը տեսել է այդ երկրում ճամփորդելիս»:
Իսկ այժմ բոլորը զբաղված են մինչև 2014թ.-ը Աֆղանստանից ԱՄՆ զինծառայողների դուրսբերմամբ, և անիմաստ են համարում նոր շտաբ-գրասենյակ տեղափոխվելը:
