«Ժողովուրդ» օրաթերթն այսօրվա համարում գրում է, որ երեկ լուրեր են տարածվել, թե հուլիսի 9-ին ԲՀԿ առաջնորդ Գագիկ Ծառուկյանն ու ՀՀ սպորտի և երիտասարդության հարցերի նախարար Յուրի Վարդանյանը հանդիպել են:
Թերթը փորձել է տեղեկությունը ճշտել Յուրի Վարդանյանի մամլո խոսնակ Ավետիս Բաբաջանյանից. նա ընդամենը հաստատել է այդ հանդիպման մասին, սակայն ասել է, թե Վարդանյանը չի ցանկանում իրենց հանդիպումից մանրամասներ ներկայացնել:
Իսկ Գ. Ծառուկյանի մամլո խոսնակ Իվետա Տոնոյանը «Ժողովուրդ»-ի հետ զրույցում ասել է, որ հուլիսի 9-ին Ծառուկյան-Վարդանյան հանդիպում տեղի չի ունեցել.
«Օրեր առաջ նման հանդիպում եղել Է, և բնական է, որ նման հանդիպումներ պետք Է լինեն, որովհետև նախկինում եղել են ՀԱՕԿ-ի և նախարարության միջև արմատավորված արդյունավետ համագործակցության եզրեր և այդ աշխատանքային հարաբերությունները շարունակվում են: Նախկինում տեղի են ունեցել երկու աշխատանքային հանդիպումներ Յուրի Վարդանյանի նախաձեռնությամբ»:
Հոդվածն ամբողջությամբ՝ կարդացեք «Ժողովուրդ»-ի այսօրվա համարում:
