Չորեքշաբթի Եգիպտոսի իշխանությունները մի քանի ժամով բացել են միակ անցակետը Գազայի հետ սահմանի վրա, որն իր աշխատանքը դադարեցրել էր իսլամիստ նախագահ Մուհամմադ Մուրսիի տապալումից և սահմանային գոտում գրոհայինների ակտիվացումից հետո:
«Ռաֆահա» պաղեստինյան աղբյուրը RIA Novosti գործակալությանը հաղորդել է, որ անցակետի աշխատանքը վերսկսվել է հնգօրյա դադարից հետո, որն ուղեկցվել է բազմաթիվ սահմանափակումներով, որոնք չեղյալ էին հայտարարվել Մուրսիի կառավարման օրոք, սակայն գործել են Հոսնի Մուբարաքի կառավարման ժամանակաշրջանում:
Հաղորդվում է, որ հսկիչ անցակետն աշխատելու է երկու օր՝ մի քանի ժամով, որպեսզի արտասահմանցիները, հիվանդները և եգիպտացիները, որոնք ցանկանում են հայրենիք վերադառնալ, Գազայի հատվածից տեղափոխվեն Եգիպտոս: Թույլատրվում է նաև պաղեստինցիների մուտքը Գազայի հատված:
Սահմանային ռեժիմի խստացումը Եգիպտոսի իշխանությունները բացատրել են անվտանգության նկատառումներով՝ հիմնվելով հաճախակի դարձած հարձակումների վրա:
