Դերասան Լեոնարդո Դի Կապրիոն որոշել է ռոմանտիկ հանդիպում կազմակերպել իր 70-ամյա չամուսնացած մոր՝ Իրմելինի համար:
Դի Կապրիոն հանդիպումը կազմակերպել է ԱՄՆ Անկախության տոնից մեկ օր առաջ՝ Մալիբուում գտնվող Nobu ռեստորանում: Դերասանը ռեստորան է եկել իր նոր սիրեցյալի՝ 20-ամյա գերմանացի մոդել Թոնի Հարնի և մոր հետ: Nobu-ում արդեն նրանց էր սպասում Դևիդ անունով տղամարդը, ում հետ պետք է ծանոթանար դերասանի մայրը:
«Լեոնարդոն կազմակերպել է այդ հանդիպումը, որպեսզի նրա մայրն իր համար կյանքի ուղեկից գտնի: Դևիդը Black Keys խմբի անդամներից մեկի կնոջ հայրն է: Կեսգիշերվան մոտ Լեոն պարահրապարակում պարում էր Թոնիի հետ, իսկ Իրմելինն՝ իր նոր ծանոթի»,- Mail Online-ին ասել է Դի Կապրիոյին մոտ կանգնած աղբյուրը: Նշվում է, որ Իրմելինի և Դևիդի միջև սիրավեպ է սկսվել:
