Ռազմավարական եւ ազգային հետազոտությունների հայկական կենտրոնի փորձագետ Էդգար Վարդանյանի խոսքերով պետք չէ բացառել, որ հայ-ադրբեջանական պատերազմի վերսկսման հավանականության գործոնը ազդել է այն հանգամանքի վրա, որ «Եվրատեսիլ 2011»-ում հաղթանակը տվել են Ադրբեջանին, բայց միանշանակ այդ մասին ասելը ճիշտ չէ:
«Ինչքան էլ քաղաքականությունը կապված է շոու բիզնեսի հետ, այդուամենայնիվ սխալ է ասել, որ այդ կապը միանշանակ է»,- «Առաջին լրատվականի» հետ զրույցում նկատեց Վարդանյանը:
Նրա խոսքերով, հնարավոր է, որ գալիք տարում Եվրատեսիլն Ադրբեջանում անցկացնելու գործոնը որոշ չափով մեղմի Ադրբեջանի ռազմական հռետորաբանությունը. «Բայց, այնուամենայնիվ այս ամենը պետք է կոմպլեքսային դիտարկել: Եթե որոշակի կոնկրետ զանգացումներ լինեն բանակցային գործընթացում կամ մերձբանակցային գործընթացում, այդ դեպքում «Եվրատեսիլ»-ը կլինի ընդամենը մեկ գործոն, բայց այդ ամենից դուրս` միայն այս գործոնը դիտարկելն այդքան էլ իրական չէ»: