ԱՄՆ Ֆլորիդա նահանգի երեք բնակիչներ ձերբակալվել են այն բանից հետո, երբ գողացել են հավի 3 մետրանոց արձանը՝ հաղորդում է United Press International-ը: Գողությունը կատարվել է առավոտյան ժամը 6-ին: Հանցագործները քանդակը կապել են իրենց բեռնատարին և տարել:
Չարագործներն աննկատ չեն մնացել. տեղի բնակիչներից մեկը տեսել է, թե ինչպես են նրանք արձանը հանում պատվանդանից: Սակայն ոստիկանությունն արձագանքել է այն բանից հետո, երբ կողոպտիչները թաքնվել են դեպքի վայրից:
Ամենայն հավանականությամբ, նրանք ուղղակի ցանկացել են զվարճանալ: Կողոպտիչները արձանը հեռացրել են շուրջ 2 կմ, որից հետո նրանցից մեկը հեծնել է այն, ապա նետել են ճանապարհի եզրին և շարունակել իրենց ճանապարհը:
Հաջորդ օրը ոստիկանները ձերբակալել են Դերին Լյուկ Էդվարդսին, Թայլեր Լի Ջոնսին և Ջեյմս Ջոզեֆ Սմիթին: Նրանցից ամենամեծը 21 տարեկան է:
Նրանց դեմ ներկայացվել է խոշոր կողոպուտի և հասարակական կարգը խախտելու մեղադրանք: Թռչնի արձանը, որի ոտքը կոտրված է եղել, իսկ թևերը՝ վնասված, վերադարձրել են սեփականատիրոջը:
