Անգլերենը որպես գիտական շփման համընդհանուր ընդունված լեզու կիրառելը Մեծ Բրիտանիայի, ԱՄՆ-ի և անգլիախոս այլ երկրների գիտնականների համար ոչ միայն առավելություն է ապահովել, այլև հարուցել է խնդիրներ:
Գիտական թարգմանությունների գծով մասնագիտացած երկրաբան Սկատ Մոնտգոմերին թողարկել է Does Science Need a Global Language? («Գիտությունը գլոբալ լեզվի կարիք ունի՞») գիրքը, որում նշել է անգլիախոս գիտնականների առջև ծառացած խնդիրների մասին: Այս մասին հայտնում է Science ամսագիրը:
Նրա կարծիքով՝ անգլերենին ի սկզբանե բարձր մակարդակով տիրապետելը տալիս է սեփական գերազանցության զգացում: Հետազոտողները, որոնց պետք չէ օտար լեզու ուսումնասիրել սեփական աշխատանքների հրապարակման համար, ժամանակ են խնայում, սակայն փոխարենը կորցնում են այլ լեզուներով հոդվածներ կարդալու հնարավորությունը, մինչդեռ այլ երկրների մասնագետները արդյունքում կարող են գրել անգլերեն՝ պահպանելով սեփական լեզուներով տեղեկատվության հասանելիության հնարավորությունը:
