Մոսկվայի Սավելևյան դատարանը հրաժարվել է բավարարել «օրենքով գող» Իլդար Ասյանովին (հանցագործ աշխարհում առավել հայտնի է որպես Իլդար Ուֆիմսկի) կալանավորելու հետաքննության միջնորդությունը: Այս մաին Իրավական ու դատական տեղեկատվության ռուսական գործակալությանը հայտնել են դատարանի մամլո ծառայությունից: Այս մասին տեղեկացնում է mzk1.ru-ն:
Ծագումով Ուֆայից Ասյանովի ձերբակալության ու կազմակերպված հանցավորության հետ նրա կապերի մասին ավելի վաղ հայտնել էր Մոսկվայի քրեական հետախուզությունը: ՌԴ մայրաքաղաքում «օրենքով գողի» ձերբակալության ժամանակ նրա մոտ հերոին էր հայտնաբերվել։ Հետաքննությունը արդեն նրան մեղադրանք է ներկայացրել:
«Ասյանովին մեղադրանք է ներկայացվել ՌԴ ՔՕ 228 հոդվածով (Անօրինական կերպով թմրանյութեր պահել): Դատարանը հրաժարվել է բավարարել նրան կալանքի տակ պահելու վերաբերյալ հետաքննության միջնորդությունը: Հիմա նրա նկատմամբ ընտրվելու է խափանման միջոց, որը կապված չէ անազատության հետ»,- հայտնել են մամլո ծառայությունից:
Ավելի վաղ Ասյանովը ձերբակալված է եղել թմրանյութերի անօրինական շրջանառություն կազմակերպելու համար: