«Թուրքիայի լրագրողների սինդիկատ» արհմիութենական միավորումը դատապարտել է շաբաթ օրը Թաքսիմ հրապարակից ցուցարարներին ցրելու ոստիկանության գործողությունները: Այսօր տարածած հաղորդագրության մեջ միավորումը նշում է, որ իրավապահների գործողությունների արդյունքում տուժել է 13 թուրք լրագրող:
«Առնվազն 13 լրագրող վիրավորվել է ոստիկանների ռետինե մահակներից, պլաստիկե փամփուշտներից և բաց թողնված գազից: Ավելի քան 80 քաղաքացի ձերբակալվել է: Մենք կտրականապես քննադատում ենք ոստիկանների բռնությունը ընդդեմ լրագրողների, ովքեր իրենց աշխատանքն են կատարում, և ընդդեմ ժողովրդի, որն օգտագործում էր իր դիրքորոշումը խաղաղ արտահայտելու իրավունքը»,- նշվում է հաղորդագրության մեջ:
ԶԼՄ-ների տուժած աշխատակիցների թվում են նաև ոչ մեծ հրատարակչությունների աշխատակիցները, խոշոր թերթերի ֆոտոլրագրողներ և 2 հանրային հեռուստաալիքների օպերատորներ:
Պետք է նշել, որ շատ լրագրողներ գալիս են լուսաբանելու ցույցերն ու բախումները և հակագազեր են կրում, քանի որ ոստիկանությունը արցունքաբեր գազ է կիրառում: Իսկ ոստիկանության համար բազմության մեջ հակագազով գտնվող ցանկացած մարդ համարվում է պոտենցիալ սպառնալիք՝ հաղորդում է ITAR-TASS-ը:
