Ֆիլիպ Կիրկորովի երկրպագուները քննադատել են երաժշտին իր նոր՝ «Ես» շոուում յուրահատուկ «դեկորացիա»՝ փոքրիկ արքայական վագրեր օգտագործելու համար: Ձագուկները, ըստ մտահղացման, համարի ընթացքում պետք է նստեին Կիրկորովի գրկում և իրենց հանգիստ պահեին՝ գրում է starslife.ru-ն:
Բայց Կիրկորովի հրապարակած հոլովակում երևում է, որ կենդանիներին դա դուր չի գալիս, նրանք ձգտում են դուրս պրծնել և թաքնվել իրենց վախեցնող աղմուկից:
Կադրերը բուռն արձագանք են գտել սոցցանցերի օգտատերերի շրջանում: «Ինչ մղձավանջ՝ այդպես ծաղրել փոքրիկներին: Զզվելի է Ձեզ նայելը», «Ո՞ւր են նայում կենդանիների պաշտպանները», «Խեղճ կենդանիներ: Բղավել նրանց ականջի մեջ, բարձրացնել վեր՝ այնպիսի սթրես է… Դուք անխիղճ եք»,- վրդովվել են բաժանորդները:
Նրանցից ոմանք ավելի կտրուկ են եղել և նույնիսկ առաջարկել են պատժել Կիրկորովին կենդանիների հետ դաժան վերաբերմունքի համար:
