Ռուսական երիտասարդ Արտ բիզնես ընկերությունը ներկայացրել է նոր մոտոսաղավարտ՝ նավիգացիոն համակարգով, որը հիմնված է լրացուցիչ իրականության տեխնոլոգիայի վրա:
LiveMap անվանումը կրող ծրագիրը իրենից ներկայացնում է նավիգացիոն խորհրդանիշներ, որոնք դուրս են բերվում սաղավարտի միկրոէկրանին:
Սաղավարտը հագեցած կլինի նաև ականջակալներով, ձայնային հրահանգների համար նախատեսված միկրոֆոնով: Այն ունի նաև գիրոսկոպ և թվային կողմնացույց:
Այս սաղավարտի հեղինակները խոստանում են պարզ և հարմարավետ ինտերֆեյս, ինչպես նաև ձայնային հրահանգների հասկանալի համակարգ: Օգտագործողները կարող են տեղեկատվություն ստանալ տարբեր հասարակական վայրերի, լիցքավորման կայանների, հյուրանոցների և այլ վայրերի մասին: Ձայնի ճանաչման համակարգի հիմքում ընկած է նույն շարժիչը, որն օգտագործում են Google և Apple ընկերությունները:
Ստեղծողները խոստանում են, որ սաղավարտի գործառույթը կլինի նույնքան որակյալ, որքան անվտանգությունը: Այն կսնուցվի երկու մարտկոցներով:
Դրանք վաճառքում կհայտնվեն 2014թ. և կարժենան 2 հազար դոլար: Սաղավարտը առաջինը կարող են գնել ԱՄՆ-ի, Կանադայի, Բրիտանիայի և Ավստրալիայի բնակիչները, քանի որ այն աշխատում է միայն անգլերեն լեզվով: 2015թ. պատրաստ կլինի նաև ռուսական տարբերակը:
