Ուկրաինան Եվրոպական միության հետ Ասոցացման համաձայնագրի ստորագրման ճանապարհին իրականացրել է եվրոպական կողմի պահանջների հիմնական մասը: Այս մասին, երեկ խորհրդարանում ելույթ ունենալով, հայտարարել է Ուկրաինայի արտաքին գործերի նախարար Լեոնիդ Կոժարան: Նրա խոսքերով, մինչև հուլիսի վերջն Ասոցացման համաձայնագրի տեքստը միջգերատեսչական փորձաքննության կենթարկվի:
«Եվրամիության հետ բանակցությունների արդյունքում կարելի արձանագրել ԵՄ-ի դրական տրամադրվածությունը համաձայնագրի ստորագրման վերաբերյալ: Եվրամիությունը բարեփոխումների իրականացման գործընթացում առաջընթաց է արձանագրում, սակայն մենք պետք է շարունակենք երկարաժամկետ բնույթ ունեցող այս գործընթացը: Դա են խոսոտվանում նաև մեր եվրոպացի գործընկերները»,- ասել է Կոժարան:
Նախարարն ընդգծել է, որ Եվրահանձնաժողովի կոլեգիան ընդունել է որոշումը՝ խորհուրդ տալով ԵՄ-ի պետություններին Ուկրաինայի հետ Ասոցացման համաձայնագիր ստորագրել, հաղորդում է ITAR-TASS-ը:
