Ալյասկայից ձկնորսը կարող է հպարտանալ ռեկորդային որսով:
Ալյասկայի բնակիչ Հենրի Լեյբմանը ծովային պերկես է որսացել, որն, ըստ գիտնականների նախնական կարծիքի, 200 տարեկան է:
Մասնագետները որոշում են ձկան ճշգրիտ տարիքը:
Ամերիկացի ձկնորսն աշխատում է ապահովագրական ընկերությունում: Նա պատմել է, որ ցանկանում է ձկից խրտվիլակ պատրաստել և որպես հիշատակ պահել: Երկարակյաց պերկեսը կպահպանվի նրա տանը: Եթե ձկան տարիքը հաստատվի, ապա Լեյբմանը կարող է ռեկորդի գրանցման հավակնություններ ունենալ: Ըստ ձկնորսի՝ ինքը հրաշք ձկանը բռնել է հունիսի վերջին՝ սովորական ցանցերի միջոցով:
Ծովային պերկեսները երկարակյաց են, երբեմն ապրում են մինչև 50-100 տարի, սակայն հայտնի են նաև ավելի տարեցները։
