Կոստա Ռիկայում պատգամավորները սխալմամբ թույլ են տվել երկրում միասեռ ամուսնությունների գրանցումը: Չնայած այս հանգամանքին՝ առաջիկայում օրենքն ուժի մեջ կմտնի: Այս մասին հաղորդում է Independent թերթը:
Աղմկահարույց միջադեպը տեղի է ունեցել հուլիսի մեկին: Խորհրդարանում մեծամասնություն կազմող պահպանողականները հավանության են արժանացրել «Երիտասարդության վերաբերյալ» օրենքի ուղղումները՝ առանց փաստաթղթին ծանոթանալու:
Հաջորդ օրն արդեն պարզ է դարձել, որ նրանք հավանության են արժանացրել գործող Ընտանեկան օրենսգրքի իրավունքների փոփոխությունը՝ 15-35 տարեկան անձանց քաղաքացիական ամուսնության վերաբերյալ: Համաձայն նոր ուղղումների՝ օրենքն այդ իրավունքը կտրամադրի «առանց մարդկային արժանապատվության խտրականության»: Դա նշանակում է, որ երկրում ամուսնությունն այժմ չի համարվում միայն տղամարդու և կնոջ միություն:
Բարձրացած աղմուկից հետո պատգամավորները նախագահ Լուրա Չինչիլյո Միրանդային խնդրել են վետո դնել օրենքի վրա, սակայն նա մերժել է:
