The Rolling Stones խմբի ղեկավար Միք Ջագերը ընթրել է Մեծ Բրիտանիայի վարչապետի տեղակալ Նիկ Քլեգի հետ, գրում է The Daily Mail-ը:
Պարբերականը հաղորդել է, որ 2012թ. երաժիշտը հրաժարվել էր հանդիպել Մեծ Բրիտանիայի վարչապետ Դևիդ Քեմերոնի հետ:
Ջագերին ու Քլեգին միասին տեսել են Լոնդոնի իտալական խոհանոցի La Famiglia ռեստորանում:
Արտիստը եղել է ընկերուհու՝ Լորեն Սքոթի հետ, իսկ քաղաքական գործչին ուղեկցել է կինը՝ Միրիամը: Նրանց են միացել նաև հաղորդավար Մարիել Ֆրոստրափն ամուսնու՝ Ջեյսոն Մաքյուի հետ, ասվում է հոդվածում:
Հայտնի չէ, թե ով է հանդիպման նախաձեռնողը, սակայն թերթը նշում է, որ Քլեգը The Rolling Stones-ի մեծ երկրպագու է: Դա Ջագերի հետ նրա առաջին հանդիպումն էր:
Ինչպես ավելի վաղ հաղորդվում էր, Ջագերը հրաժարվել է մասնակցել թեյախմությանը, որը կազմակերպել էր Մեծ Բրիտանիայի վարչապետ Դևիդ Քեմերոնը Դավոսում:
