Ֆրանսիայի նախկին նախագահ Նիկոլա Սարկոզին, որը հինգշաբթի դուրս է եկել Սահմանադրական խորհրդի կազմից, այսօր հայտարարել է խոսքի ժողովրդավարական ազատության համար պայքարելու մտադրության մասին: Ինչպես հաղորդում է ITAR-TASS-ը, նա համանման հայտարարությամբ հանդես է եկել Facebook սոցիալական ցանցում՝ պնդելով իր կողմնակիցներին աջակցել իրեն:
«Ես պետք է պատասխանատվություն ստանձնեմ և պայքարեմ մեր երկրում խոսքի ժողովրդավարական ազատության երաշխիքների համար: Խնդրում եմ ձեզ օգնել ինձ` կենտրոնանալով այս պայքարի վրա, ինչպես պատրաստվում եմ անել ես»,- գրել է հանրապետության նախկին նախագահը:
Սարկոզին նման հայտարարությամբ հանդես է եկել ի պատասխան Սահմանադրական խորհրդի որոշման, որի համաձայն` նախկին նախագահը 2012թ. նախընտրական քարոզարշավի ժամանակ գերազանցել է այդ նպատակների համար օրենքով սահմանված ծախսերը:
Այսօրվա հայտարարությունը դարձել է Սարկոզիի առաջին քաղաքական ելույթը այն բանից հետո, երբ 2012թ. մայիսին նա չկարողացավ նախագահի պաշտոնին վերընտրվել երկրորդ անգամ և հայտարարեց քաղաքականությունից հեռանալու մասին: