Սիրիական ընդդիմադիր և հեղափոխական ուժերի ազգային կոալիցիայի ներկայացուցիչներն այսօր Ստամբուլում կքննարկեն նոր ղեկավարի նշանակման հարցը: Այս մասին լրագրողներին հայտնել են կազմակերպության աղբյուրները՝ փոխանցում է Interfax-ը:
Ազգային կոալիցիան արդեն մի քանի ամիս է՝ առաջնորդ չունի: Այս տարվա մարտի վերջին հրաժարական տվեց կազմակերպության նախկին ղեկավար Մուազ Ալ-Խատիբը՝ Սիրիայի նախագահ Բաշար Ասադի կառավարության անդամների հետ հնարավոր բանակցությունների առնչությամբ տարաձայնությունների պատճառով:
Կոալիցիայի ներկայացուցիչները հայտարարել են, որ արտերկրում գտնվող իրենց կողմնակիցները չեն ցանկանում, անցած ամիս տեղի ունեցած իրավիճակի կրկնություն: Այդ ժամանակ պահանջվել էր Թուրքիայի, արևմտյան և արաբական երկրների բարձրաստիճան անձանց միջամտությունը, որպեսզի այն չփլուզվեր:
Կոալիցիայի աղբյուրները նշել են՝ նոր ղեկավարությունը պետք է ցույց տա, որ այն կարող է ամրապնդել կապերը ընդդիմադիր ակտիվիստների ու մարտիկների հետ:
«Ամենալավ որոշումը Սիրիա տեղափոխվելն ու խորհուրդ ստեղծելն է, որը կազմված կլինի քաղաքացիական անձանցից և զինվորականներից»,- ասել է Ազգային կոալիցայի բարձրաստիճան անդամ Քամալ Ալ-Լաբվանին:
Ինչպես հաղորդվել է՝ Ալ-Խատիբի պաշտոնաթողությունից հետո Ազգային կոալիցիայի ղեկավար է ընտրվել Ջորջ Սաբրան:
