Նորվեգիայում իր աշխատանքն է վերսկսել իշխող Աշխատանքային կուսակցության երիտասարդական ճամբարը, որտեղ ահաբեկիչ Անդերս Բրեյվիկը 2011թ. գնդակահարել էր 69 մարդու՝ հաղորդում է Agence France-Presse-ը:
Երիտասարդական ճամբարը անցկացվում է ոչ թե Ուտոյա կղզում, ինչպես 2011թ., այլ Գուլյստրուդ գյուղում, որը գտնվում է նույն լճի ափին:
Այս տարի ճամբարը հավաքել է մոտ 800 մասնակցի, ինչը մոտ 250-ով ավելի է 2011-ի համեմատ: 2012թ. ճամբար չի անցկացվել:
Ճամբարի անցկացման վայրում ուժեղացվել են անվտանգության միջոցառումները. գյուղում կհերթապահի ոստիկանությունը:
Ուտոյա կղզում ներկայում անցկացվում են վերանորոգման աշխատանքներ, որոնք, սակայն, վերջերս հետաձգվել են՝ այն բանից հետո, երբ 2011թ. հուլիսյան իրադարձությունների վերապրողները բողոքել են շինության քանդման դեմ:
Անդերս Բրեյվիկը 2011թ. հուլիսին ռումբ պայթեցրեց Օսլոյի կառավարական թաղամասում, ինչից հետո հրազենային զենքով հարձակվեց Ուտոյա կղզու երիտասարական ճամբարի աշխատակիցների ու հյուրերի վրա, ինչի հետևանքով սպանվեցին տասնյակ մարդիկ:
