Georgia Online-ի փոխանցմամբ՝ Վրաստանի արտգործնախարար Միխայիլ Ջանելիձեն հայտարարել է, որ Վարշավայում մեկնարկող ՆԱՏՕ-ի գագաթնաժողովում քննարկվելու են Վրաստանի պաշտպանունակության ուժեղացման նոր ուղիները:
Նրա խոսքերով՝ Վրաստանի կառավարությունը շատ կոնկրետ ակնկալիքներ ունի ՆԱՏՕ-ի գագաթնաժողովից. «Մենք ակնկալում ենք, որ Վրաստանի ինտեգրման գործընթացը ու ձեռք բերած առաջընթացը պետք է գնահատվեն ըստ արժանվույն:
Բացի այդ, պետք է արժանիորեն գնահատվեն այն քայլերը, որոնց մենք իրականացրել ենք այս ժամանակահատվածում: Գագաթնաժողովում մշակվելու են այն քայլերն ու նոր ուղիները, որոնք կուժեղացնեն Վրաստանի պաշտպանունակությունը, մեզ էլ ավելի կմերձեցնեն դաշինքին ու կնպաստեն ինտեգրման գործընթացին:
Դրանք գործնական ուղիներ են, որոնց վերաբերյալ քննարկումներ են ծավալվելու գագաթնաժողովի շրջանակներում: Հուսով ենք, որ կընդունվեն համապատասխան որոշումներ»:
