Առաջիկա տասնամյակում սովի մակարդակը զարգացող երկրներում կտրուկ կկրճատվի՝ ասվում է ԱՄՆ գյուղատնտեսության նախարարության հետազոտությունում։ Այս մասին հայտնում է RNS-ը։
Նախարարության գնահատականներով՝ սննդամթերքի գների նվազումը, բնակչության եկամուտների մակարդակի աճը կբարձրացնեն սննդամթերքի անվտանգության մակարդակը 76 երկրում, որոնք ունեն եկամտի ցածր կամ միջին մակարդակ։ Այսօր զարգացող երկրների բնակչության 17 տոկոսը չունի հասանելիություն սննդամթերքին։ 2026 թվականին թիվը կկրճատվի մինչև 6 տոկոս։ Այդպիսով՝ քաղցածների թիվը 2016 թվականի 609 մլն մարդուց կնվազի՝ հասնելով 2026 թվականին 251 մլն մարդու։
Նախարարությունը նշում է, որ կանխատեսումները հիմնված են ընթացիկ տնտեսական պայմանների, սննդամթերքի գների, եկամտի մակարդակի և այլ ցուցանիշների վրա, որոնք կարող են փոխվել մոտ ապագայում։
