Հայաստանի ազգային օլիմպիական կոմիտեի պաշտոնական կայքը «Ճանապարհ դեպի Ռիո» նախագծում ներկայացնում է Օլիմպիական խաղերում Հայաստանը ներկայացնող մարզիկներին և նրանց օլիմպիական լուսանկարները, որոնք արվել են լուսանկարիչ Հակոբ Բերբերյանի կողմից՝ հատուկ «Ճանապարհ դեպի Ռիո» նախագծի համար:
Մեր նախագծի հաջորդ հերոսն ազատ ոճային ըմբիշ, գերծանր Լևան Բերիանիձեն է: Նա ծնվել է 1990 թվականին Վրաստանում: 2010 թվականի աշխարհի առաջնությունում նվաճել է բրոնզե մեդալ: 2015 թվականից համալրել է Հայաստանի հավաքականը, որի կազում էլ Վեգասում կայացած աշխարհի առաջնությունում նվաճեց Խաղերի ուղեգիրը: Ռիոյի խաղերը մարզիկի նվիրական երազանքն էր: Նրա խոսքով՝ ջանք չի խնայում, երազանքի Խաղերը մեդալով հիշելու համար:
-Խաղերին ի՞նչ թալիսման ես հետդ տանելու:
-Չունեմ:
-Ու՞մ կուզեիր կողքիդ կամ հանդիսատեսի շարքում տեսնել:
-Հավաքականի բժիշկին:
-Ո՞ւմ հետ ես առաջինը կիսելու հաջողությունդ:
-Ընտանիքիս:
-Նկարագրիր Օլիմպիական խաղերը երեք բառով:
-Երազանք, աշխատասիրություն…
-Ինչպե՞ս կուզես, որ հիշվեն այս Օլիմպիական խաղերը:
-Լավ մասնակցությամբ:
ՀԱՕԿ մամլո ծառայություն
