Վենեսուելայում հունիսի 24-ին տեղի ունեցած հզոր երկրաշարժերի զոհերի թիվը հասել է 1450-ի։ 3150 մարդ վիրավոր է։ Փրկարարների թիմերը շարունակում են ողջ մնացածներին փլատակներից դուրս բերելու աշխատանքները։ Այս մասին հաղորդում է Reuters գործակալությունը։
Օտարերկրյա փրկարարները հիմնականում տեղակայվել են Լա Գուայրայի նահանգում, որն ամենաշատն է տուժել ստորգետնյա ցնցումներից։ Տասնյակ շենքեր փլուզվել են։
Վենեսուելայի նախագահի պաշտոնակատար Դելսի Ռոդրիգեսը հայտնել է, որ հունիսի 28-ին հաջողվել է որոշ մարդկանց ողջ դուրս բերել փլատակներից, հետևաբար, փրկարարական գործողությունները չեն դադարում։ Նա նշել է, որ դպրոցներում դասերը ևս մեկ շաբաթ չեն վերսկսվի։
Վենեսուելայի ազգային ժողովի նախագահ Խորխե Ռոդրիգեսը, որը նաև գործող նախագահի եղբայրն է, հայտարարել է, որ գրեթե 13 000 մարդ տեղահանվել է, 774 շենք փլուզվել է։
Երկրի կառավարությունը հայտնել է հարյուրավոր անհետ կորածների կամ փլատակներում մնացածների մասին, սակայն երկրի քաղաքական ընդդիմության հետ կապված կայքերից մեկում, որտեղ գրանցվում են անհետ կորածների տվյալները, նշված է շուրջ 50 000 անհետ կորածի մասին։
Հունիսի 24-ին իրար 39 վայրկյան տարբերությամբ հաջորդող 7,2 և 7,5 մագնիտուդով երկրաշարժերն ամենահզորն են վերջին 100 տարվա ընթացքում։
