Հավանայում ԱՄՆ հյուպատոսարանը կուբայական մամուլի էջերից և կառավարությանը հարող հեղինակների բլոգներից վերջին օրերին հնչող քննադատությունների և մեղադրանքների թիրախ է դարձել:
Կղզու գլխավոր լրատվամիջոցը՝ «Գրանման», ուրրբաթ օրը ԱՄՆ-ի դիվանագետներին մեղադրել է վիզաների տրամադրման ժամանակ կաշառք վերցնելու, իսկ դիվանագիտական ներկայացուցչությանը՝ դիտմամբ մերժելու քաղաքականության և կուբացիների հաշվին գումար աշխատելու մեջ:
Ամերիկյան դիվանագիտական ներկայացուցչությունն այս մեղադրանքին օպերատիվ է արձագանքել. արդեն շաբաթ օրը «Գրանման» ներկայացրել է նրանց պաշտոնական պատասխանը, ընդ որում՝ առանց խմբագրական մեկնաբանությունների:
ԱՄՆ-ի դիվանագետները պնդում են, որ բոլոր ջանքերը գործադրում են, որպեսզի կրճատվեն դիմումների պատասխանների համար սահմանված ժամկետները։ Նրանք նշել են, որ մի քանի անգամ ավելացել է ամենօրյա հարցազրույցների թիվը:
Սրա հետ մեկտեղ, դիվանագետները նշել են, որ կուբացիների մեծամասնության համար ԱՄՆ-ի վիզա ստանալը կա՛մ շատ բարդ է, կա՛մ ուղղակի՝ անհնար:
