«Կոնֆեդերացիայի գավաթի ազգային կոմիտեի և Օլիմպիական խաղերի» ներկայացուցիչները տեղեկացրել են Ռիո դե Ժանեյրոյի ոստիկանական գլխավոր բաժանմունքին, որ իրենք բողոքի ակցիա կիրականացնեն «Մարականա» մարզադաշտում՝Կոնֆեդերացիայի գավաթի խաղից առաջ: Այս մասին հաղորդում է բրազիլական մամուլը:
Կիրակի օրը «Մարականա» մարզադաշտում տեղի կունենա Կոնֆեդերացիայի գավաթի եզրափակիչ խաղը՝ Բրազիլիայի և Իսպանիայի ազգային հավաքականների մասնակցությամբ: Կոմիտեի ներկայացուցիչ Մարսելո Էդմունդոյի խոսքերով, հանրահավաքը խաղաղ կլինի, եթե ցուցարարները չբախվեն ոստիկանության կողմից դրսևորվող ագրեսիայի հետ:
Ցուցարարները մի շարք պահանջներ են ներկայացնում, որոնց թվում է նաև մարզադաշտի սեփականաշնորհումը չեղյալ հայտարարելը, մրցույթներից ստացված եկամուտները երկրի կրթության և առողջապահական ոլորտներում ներդնելը, ինչպես նաև ֆուտբոլի «էլիտարացումը» դադարեցնելը:
