Բրիտանացի գյուտարարը ստեղծել է նոր զուգարանակոնք՝ «օգտակար» հատկություններով: Այս մասին հաղորդում է Globalscence-ը:
Անսովոր դիզայնով զուգարանակոնքի 30-ամյա հեղինակը՝ Փիթեր Քոդլինգը, իր ստեղծագործությանը տվել է շատ հնչեղ անուն՝ Le Penseur, ինչը ֆրանսերեն թարգմանաբար նշանակում է «Վրիժառու»:
Նոր զուգարանակոնքը մյուսներից նախևառաջ տարբերվում է մարդու մարմնի ավելի բնական դիրքով: Մարդը սովորական զուգարանակոնքին նստում է բավականին բարձր դիրքով, մարմինը և ոտքերը կազմում են 90 աստիճանի անկյուն, իսկ նորույթն ապահովում է 55 աստիճանի անկյուն՝ շնորհիվ ավելի խորը նստելատեղի: Տվյալ դեպքում ծնկներն ավելի մոտ են լինում կրծքավանդակին:
Հենց նման դիրքն է Քոդլինգը համարում մարդու համար բնական: Այն նպաստում է աղիների ավելի լավ գործելուն, և դրա շնորհիվ կարելի է խուսափել այնպիսի հիվանդություններից, ինչպիսիք են հաստ և ուղիղ աղիների քաղցկեղը, թութքը, ճողվածքները և այլն:
