ՀՀ արտակարգ իրավիճակների նախարարությունում հունիսի 28-ին տեղի ունեցավ «Աջակցություն Հարավային Կովկասի խոցելի համայնքներում և հաստատություններում աղետների ռիսկի նվազեցմանը» տարածաշրջանային ծրագրի մեկնարկը: Ծրագիրը ֆինանսավորվում է Եվրոպական հանձնաժողովի մարդասիրական օգնության և բնակչության պաշտպանության հարցերով գլխավոր վարչության կողմից` աղետների ռիսկի նվազեցման (ԱՌՆ) ԴԻՊԵԿՈ ծրագրի ներքո: Այս մասին «Առաջին լրատվական» -ին տեղեկացրին ՅՈՒՆԻՍԵՖ-ի հայաստանյան գրասենյակից:
Հայաստանում ծրագիրն իրականացվում է Հայկական կարմիր խաչի ընկերության, ՕՔՍՖԱՄ-ի հայաստանյան մասնաճյուղի կողմից՝ ՕՔՍՖԱՄ-ի հայաստանյան մասնաճյուղի՝ ՕքսԵՋեն հիմնադրամի հետ համագործակցաբար, ՄԱԿ-ի մանկական հիմնադրամի (ՅՈՒՆԻՍԵՖ) հայաստանյան գրասենյակի, ՄԱԿ-ի զարգացման ծրագրի և «Սեյվ դը չիլդրեն» կազմակերպությունների կողմից:
Այն իրականացվելու է ՀՀ արտակարգ իրավիճակների, ՀՀ կրթության և գիտության, ՀՀ տարածքային կառավարման նախարարությունների և Աղետների ռիսկի նվազեցման ազգային պլատֆորմի հետ սերտ համագործակցությամբ և տևելու է մինչև 2017թ.-ի վերջը:
Ծրագիրը նպատակ ունի նվազեցնել աղետավտանգ համայնքների խոցելիությունը և ամրապնդել դրանց դիմակայունությունը բնական և մարդածին վտանգների նկատմամբ: Ծրագիրը կիրականացվի Շիրակի, Լոռու, Արագածոտնի, Գեղարքունիքի, Տավուշի, Արմավիրի, Սյունիքի մարզերում և Երևանում՝ որպես առաջնահերթ թիրախ ընտրելով երեխաներին, կանանց և հաշմանդամություն ունեցող անձանց: Ծրագրի գործընկերները սերտորեն կաշխատեն կենտրոնական, մարզային և տեղական իշխանությունների համապատասխան մարմինների հետ՝ ԱՌՆ-ն և ռիսկերի կառավարումը դարձնելով արտակարգ իրավիճակների կառավարման և կրթության պլանավորման մաս: Այն նաև ուղղված է բարելավելու դպրոցների և նախադպրոցական հաստատությունների կարողությունները և արդյունքում նվազեցնելու աղետների ռիսկը: Իրականացնելով ծավալուն գործողություններ՝ ծրագիրը կխթանի ԱՌՆ ոլորտում աշխատող առաջատար կազմակերպությունների, պետական կառույցների, ԱՌՆ ազգային պլատֆորմի և Հարավային Կովկասում այլ ազգային և տարածաշրջանային կառույցների միջև համագործակցությունը:
Սա Հարավային Կովկասում ԴԻՊԵԿՈ ծրագրի չորրորդ փուլն է:
2010 թվականից ի վեր զգալի ջանքեր են ներդրվել ներառական և հատուկ դպրոցների և նախադպրոցական հաստատությունների և երեխաների խնամքի կենտրոնների խոցելիության նվազեցման գործում: Աջակցություն է տրամադրվել թիրախային համայնքներին բարձրացնելու նրանց դիմակայունությունը և մարդկային կյանքեր ու կենսապահովման միջոցներ փրկելու կարողությունները, ինչպես նաև մեղմելու աղետների և կլիմայի փոփոխության ազդեցությունները: Համայնքային դպրոցներում իրականացվել են տարհանման, հրշեջ-պաշտպան ության և ԱՌՆ այլ դասընթացներ և ուսուցողական միջոցառումներ:
ՀՀ արտակարգ իրավիճակների նախարարությունում հունիսի 28-ին տեղի ունեցավ «Աջակցություն Հարավային Կովկասի խոցելի համայնքներում և հաստատություններում աղետների ռիսկի նվազեցմանը» տարածաշրջանային ծրագրի մեկնարկը: Ծրագիրը ֆինանսավորվում է Եվրոպական հանձնաժողովի մարդասիրական օգնության և բնակչության պաշտպանության հարցերով գլխավոր վարչության կողմից` աղետների ռիսկի նվազեցման (ԱՌՆ) ԴԻՊԵԿՈ ծրագրի ներքո: Այս մասին «Առաջին լրատվական» -ին տեղեկացրին ՅՈՒՆԻՍԵՖ-ի հայաստանյան գրասենյակից:
Հայաստանում ծրագիրն իրականացվում է Հայկական կարմիր խաչի ընկերության, ՕՔՍՖԱՄ-ի հայաստանյան մասնաճյուղի կողմից՝ ՕՔՍՖԱՄ-ի հայաստանյան մասնաճյուղի՝ ՕքսԵՋեն հիմնադրամի հետ համագործակցաբար, ՄԱԿ-ի մանկական հիմնադրամի (ՅՈՒՆԻՍԵՖ) հայաստանյան գրասենյակի, ՄԱԿ-ի զարգացման ծրագրի և «Սեյվ դը չիլդրեն» կազմակերպությունների կողմից:
Այն իրականացվելու է ՀՀ արտակարգ իրավիճակների, ՀՀ կրթության և գիտության, ՀՀ տարածքային կառավարման նախարարությունների և Աղետների ռիսկի նվազեցման ազգային պլատֆորմի հետ սերտ համագործակցությամբ և տևելու է մինչև 2017թ.-ի վերջը:
Ծրագիրը նպատակ ունի նվազեցնել աղետավտանգ համայնքների խոցելիությունը և ամրապնդել դրանց դիմակայունությունը բնական և մարդածին վտանգների նկատմամբ: Ծրագիրը կիրականացվի Շիրակի, Լոռու, Արագածոտնի, Գեղարքունիքի, Տավուշի, Արմավիրի, Սյունիքի մարզերում և Երևանում՝ որպես առաջնահերթ թիրախ ընտրելով երեխաներին, կանանց և հաշմանդամություն ունեցող անձանց: Ծրագրի գործընկերները սերտորեն կաշխատեն կենտրոնական, մարզային և տեղական իշխանությունների համապատասխան մարմինների հետ՝ ԱՌՆ-ն և ռիսկերի կառավարումը դարձնելով արտակարգ իրավիճակների կառավարման և կրթության պլանավորման մաս: Այն նաև ուղղված է բարելավելու դպրոցների և նախադպրոցական հաստատությունների կարողությունները և արդյունքում նվազեցնելու աղետների ռիսկը: Իրականացնելով ծավալուն գործողություններ՝ ծրագիրը կխթանի ԱՌՆ ոլորտում աշխատող առաջատար կազմակերպությունների, պետական կառույցների, ԱՌՆ ազգային պլատֆորմի և Հարավային Կովկասում այլ ազգային և տարածաշրջանային կառույցների միջև համագործակցությունը:
Սա Հարավային Կովկասում ԴԻՊԵԿՈ ծրագրի չորրորդ փուլն է:
2010 թվականից ի վեր զգալի ջանքեր են ներդրվել ներառական և հատուկ դպրոցների և նախադպրոցական հաստատությունների և երեխաների խնամքի կենտրոնների խոցելիության նվազեցման գործում: Աջակցություն է տրամադրվել թիրախային համայնքներին բարձրացնելու նրանց դիմակայունությունը և մարդկային կյանքեր ու կենսապահովման միջոցներ փրկելու կարողությունները, ինչպես նաև մեղմելու աղետների և կլիմայի փոփոխության ազդեցությունները: Համայնքային դպրոցներում իրականացվել են տարհանման, հրշեջ-պաշտպան ության և ԱՌՆ այլ դասընթացներ և ուսուցողական միջոցառումներ:
